Saturday, February 15, 2025

關於羅律師

//歷
中大社會學畢業,副修資訊科技管理。畢業後從事製造業及國際貿易超過10年。後喺曼切斯特都會大學攻讀法律,以一級榮譽畢業,同時獲頒年度Law Prize (考第一也!) 。有幸獲港大取錄,進修P.C.LL., 並獲得人身傷亡索償科科獎(咁講係好小學雞,但都算少少叻豬啦!) 。

//策
由於喺商業社會打滾多年,所以做事比較實際,習慣化繁為簡,鐘意解決核心問題多過為拗而拗嘅口水戰。常用博奕論處理問題,特別係要換位思考,慣從客人角度出發。

//感
天生高敏,加上入行前經歷過迷網,於是閱讀大量心理學書籍以圖了解自己,誤打誤撞下練成擅於理解客人同埋對方心理、並容易建立同理心嘅特殊技能,應用於法律服務能更加有效地解決問題。但缺點係偶爾入戲太深,會被客人誤當做社工而不知如何應對。

//茶
法律人多愛咖啡紅酒,但我就偏愛飲茶,尤其愛茶好味得嚟提神又令人放鬆。 大部份客人嚟揾我,都係遇到唔如意嘅事,好多時都未坐低就已經忍唔住向我大吐苦水。於是我會同佢哋講:「不如坐低飲啖茶,慢慢講。」

//習
入行前以為法律好死板,只要好似麥當當式咁按程序做嘢,一切問題自然迎刃而解。入行後發現少年我實在太年輕了,實情法律千變萬化,充滿不確定性,理解人性比起熟習法律更加有助解決問題。而且法律只係解決問題嘅其中一種工具,而且通常係性價比最低嘅工具。