長話短說：可以！但要符合條件。
香港法庭有管轄權的情況:
香港有唔少中港婚姻，或者喺外國旅行結婚(例如關島、拉斯維加斯)，其實都係好常見嘅事。根據香港法例第179章《婚姻訴訟條例》第3條，只要其中一方以香港為居藉，或者慣常喺香港住，又或者與香港有密切聯繫，都可以喺香港辦離婚。
策略上的考慮
不過要提醒返你，每個地方嘅方律都唔同，如果你喺唔同地方都有密切聯繫，例如你係經常中港兩邊走嘅人士，咁喺策略上你亦可以考慮會唔會喺其他地方對你比較方便，或者喺處理婚姻資產時因應唔同國家嘅法律而對你更加有利。
例如呢幾年出現比較多嘅，係一方喺香港，另一方喺英國嘅情況。如果你本人喺香港，咁喺香港辦離婚固然有一定嘅便利。不過如果涉及贍養費問題，你又要考慮吓萬一對方將來唔俾贍養費，喺英國執行法庭命令會唔會較麻煩。
至於中港婚姻，《內地婚姻家庭案件判決（相互承認及強制執行）條例》已於2022年2月15日生效，要喺國內執行香港嘅離婚命令亦變得簡單容易得多。
所以，喺邊度離婚，都係視乎個別情況，難以一概而論嘅!
而即使你揀咗喺香港辦離婚，如果對方唔同意嘅話，亦可以係變成一場官司嘅。
外國人喺香港結婚又如何?
另一個情況，係外國人或國內人士喺香港結婚，咁同樣地，除非等合上面所提嘅3個條件是旦一個，否則都無法喺香港離婚，即係要去返任何一方嘅居籍地辦理先可以。
